„ახალციხელობა“ საზეიმო კონცერტით დასრულდა

მას შემდეგ, რაც ყველა სპორტული ღონისძიება, გამოფენა, ადგილობრივი ანსამბლების კონცერტი და დაჯილდოება დასრულდა, სცენა მომღერლებს დაეთმოთ.

სპეციალურად ამ დღისთვის ახალციხეს სტუმრობდნენ: მაკა ზამბახიძე,ზურაბ მანაგაძე,ზურაბ დოიჯაშვილი,ტატო გოდერძიშვილი, ანსამბლი „ალილო“და ლაშა ღლონტი.

„წარმოუდგენელია აქაურობა არ მოგეწონოს, ეს არის საქართველოს უძველესი კუთხე და მე უფლება არ მაქვს არ მოვეფერო აქაურობას. ვგრძნობ ძალიან დიდ სიყვარულს ხალხისგან. მეორედ ვესტუმრე ამ დღესასწაულზე ქალაქს და ვარ ძალიან ბედნიერი.კიდევ ერთხელ გილოცავთ ამ შესანიშნავ დღეს“, – განაცხადა ლაშა ღლონტმა „სამხრეთის კარიბჭესთან“.

გალა კონცერტის დასრულების შემდეგ, სპორტულ ღონისძიებებში გამარჯვებულები დააჯილდოვეს.

ნარდში პირველი ადგილი ვასილ ბეგაშვილს ერგო, ჭადრაკში – ნოდარ თათოშვილს, მძლეოსნობაში, ვაჟებში – მინდია ენდელაძეს და გოგონებში მართა ჯვარიძეს. ფეხბურთის ტურნირის გამარჯვებული კი ახალციხის პირველი საჯარო სკოლის გუნდი გახდა. გამარჯვებულებს სიგელები, მედლები, თასები და ფასიანი საჩუქრები გადასცეს.
„ახალციხელობის“ აღნიშვნა ახალციხის ჰიმნითა და ფეიერვერკით დასრულდა.

[თეონა თაბუნიძე, ახალციხე]