ანსამბლ 'მესხეთს' ვარსკვლავს გაუხსნიან

ახალციხის ქვედა ციხეში ვარსკვლავის გახსნის მოსამზადებელი სამუშაოები უკვე დაწყებულია. ანსამბლ "მესხეთის" ვარსკვლავი შარლ აზნავურის ვარსკვლავის გვერდით გაიხსნება.

ანსამბლი "მესხეთი" 1949 წელს შეიქმნა.

"ეს იყო ქალ–ვაჟთა შერეული ანსამბლი. მრავალი თაობა გამოიცვალა და 1993 წლიდან ვაჟთა ფოლკლორულ ანსამბლად ჩამოყალიბდა. ანსამბლი უკვე 65 წლისაა და ახალციხეში ამ ვარსკვლავის გახსნა იმ თაობების შრომისა და ღვაწლის დაფასებაა, რომლებიც ამ გუნდში მოღვაწეობდნენ წლების განმავლობაში", – ამბობს ანსამბლ "მესხეთის" ხელმძღვანელი ზაზა თამარაშვილი.

ვარსკვლავის გახსნა ერთ–ერთია "ახალციხელობის" დღესასწაულის ფარგლებში დაგეგმილ კულტურულ ღონისძიებებს შორის.

"ახალციხელობის" აღნიშვნა დილიდან დაიწყო. შალვა ახალციხელის სახელობის მშენებარე ტაძარში საზეიმო წირვა–ლოცვა აღევლინა. ღონისძიებები 14:00 საათიდან, ახალციხის ქვედა ციხეში გაგრძელდება.

[თამარ თოთაძე, ახალციხე]