ახალციხის სკოლებში 21–მა მეთერთმეტეკლასელმა საატესტატო გამოცდები ვერ ჩააბარა

მეთერთმეტე კლასის მოსწავლეებისთვის საატესტატო გამოცდები მთელი საქართველოს მასშტაბით 17 ივნისს გეოგრაფიის გამოცდით დაიწყო. მოსწავლეებმა გამოცდა ოთხ საგანში ( გეოგრაფია, ფიზიკა, ბიოლოგია, ქიმია) ჩააბარეს.

ქალაქ ახალციხის სკოლებში 298 მეთერთმეტეკლასელია. აქედან საატესტატო გამოცდებში 21 მოსწავლე ჩაიჭრა.

ახალციხის პირველ საჯარო სკოლაში 76 მეთერთმეტეკლასელიდან გამოცდები წარმატებით 73–მა გაიარა. 3 მოსწავლე ერთ საგანში ჩაიჭრა.

რაც შეეხება ახალციხის მეორე საჯარო სკოლას, აქ 34 მეთერთმეტეკლასელიდან 3 ფიზიკის გამოცდაში ჩაიჭრა, ერთს კი ბიოლოგიის გამოცდის ჩაბარება გაუჭირდა.

მესამე საჯარო სკოლის 39 მეთერთმეტეკლასელიდან კი 6 მოსწავლე ჩაიჭრა.

ახალციხის მეხუთე საჯარო სკოლაში კი 114 მეთერთმეტეკლასელიდან გამოცდები წარმატებით 106–მა ჩააბარა. 5 მოსწავლე ფიზიკის გამოცდაში ჩაიჭრა, 3 კი ბიოლოგიაში.

მეექვსე საჯარო სკოლის 20–ვე მეთერთმეტეკლასელმა საატესტატო გამოცდები წარმატებით ჩააბარა.

ასევე წარმატებით ჩააბარა გამოცდები ახალციხის კერძო სკოლის "მზექას" 15–ვე მოსწავლემ.

ის მოსწავლეები, რომლებმაც რომელიმე საგანში ვერ გადალახეს მინიმალური ზღვარი, შესაძლებლობა ექნებათ შესაბამისი საგანი მეთორმეტე კლასის ბოლოს ჩააბარონ დანარჩენ 4 გამოცდასთან (ქართული ენა და ლიტერატურა, უცხოური ენა, მათემატიკა, ისტორია) ერთად.

[თამარ თოთაძე, ახალციხე]