სკოლის საატესტატო გამოცდები დასრულდა

ქიმიაში გამოცდას ის მოსწავლეები აბარებდნენ, რომლებიც გასულ წელს, მეთერთმეტე კლასში ყოფნის დროს, ქიმიის გამოცდაში ჩაიჭრნენ. ამ საგანს კერძო სკოლა „მზექას“ გარდა, მოსწავლეები ქალაქის ყველა სკოლიდან აბარებდნენ. გამოცდაში მხოლოდ ერთი, მეხუთე საჯარო სკოლის მოსწავლე ჩაიჭრა.

გამოცდა ქიმიაში ახალციხის პირველი საჯარო სკოლიდან 17–მა, მესამე სკოლიდან 62–მა, მეხუთე სკოლიდან ოთხმა, მეექვსე სკოლიდან კი ორმა ჩააბარა.

საატესტატო გამოცდები 20 მაისს დაიწყო. მასში მონაწილეობას ახალციხის მუნიციპალიტეტის მასშტაბით 517 მე–12 კლასელი და გასულ წლებში გამოცდებზე ჩაჭრილი მოსწავლეები იღებდნენ.

[მარიამ ბარძიმაძე, ახალციხე]