ახალციხის სკოლებიდან ქიმიის გამოცდაში 5 მეთერთმეტე კლასელი ჩაიჭრა

მეთერთმეტე კლასელებმა ქიმიის გამოცდა გუშინ, 22 ივნისს ჩააბარეს. ახალციხის 5 საჯარო და 1 კერძო სკოლის ჯამში 311 მოსწავლიდან მინიმალური ბარიერი – 5,5 ქულა, 5–მა მოსწავლემ ვერ გადალახა.

რაც შეეხება ფიზიკის გამოცდას, სხვა საგნებთან შედარებით აქ მეტი 18 მოსწავლე ჩაიჭრა.

ახალციხის N1 საჯარო სკოლაში 81 მოსწავლიდან გამოცდაზე 5 მოსწავლე ჩაიჭრა, 8 მოსწავლე ჩაიჭრა N5 სკოლაში, სადაც 92 მეთერთმეტე კლასელია.

N6 საჯარო სკოლის 26 მოსწავლიდან 2 ჩაიჭრა, მინიმალური ზღვარი ვერ გადალახა N3 საჯარო სკოლის 2–მა მოსწავლემ, ამ სკოლაში ჯამში 62 მეთერთმეტე კლასელია. კერძო სკოლა „მზექაში“ კი 20 მოსწავლიდან მხოლოდ 1 ჩაიჭრა.

N2 სკოლაში ფიზიკის გამოცდა 30 მოსწავლიდან ყველამ ჩააბარა.

შეგახსენებთ, რომ 19 ივნისს გეოგრაფიის გამოცდით დაიწყო, ახალციხის სკოლებიდან ამ დღეს 5 მოსწავლე ჩაიჭრა, ხოლო ბიოლოგიაში – 6.

[თინათინ ზაზაძე, ახალციხე]