აბასთუმანში ავტოსაგზაო შემთხვევას ორი ადამიანი ემსხვერპლა

შემთხვევა დღეს, 21 ივნისს, დაახლოებით 21:00 საათზე მოხდა. როგორც „სამხრეთის კარიბჭეს“ ადგილობრივებმა განუმარტეს, მსუბუქი ავტომანქანა ზეკარის უღელტეხილზე ხრამში გადავარდა.

ავტომანქანაში ხუთი ადამიანი ისხდა. ორი, დაუდასტურებელი ინფორმაციით, მძღოლის დედა და ბიძა, ადგილზე გარდაიცვალნენ. ორი ადამიანი კი, მათ შორის, ერთი მძღოლი, სასწრაფო სამედიცინო დახმარების სამსახურმა კლინიკა "იმედში" გადაიყვანა.

"ერთს არ ჰქონდა დაზიანებები, შეშინებული იყო, ის უკვე გაწერეს, მეროე ადამიანი კი სტაციონარში რჩება. სიცოცხლისთვის საშიში დაზიანებები არ აქვს", - გვითხა სასწრაფო- სამედიცინო დახმარების რეგიონული სამსახურის მენეჯერმა თამაზ კაჭკაჭიშვილმა

გარდაცვლილები ამ წუთებში პროზექტურაში გადაასვენეს.

„სამხრეთის კარიბჭე“ დეტალებს ამ წუთებშიც არკვევს.

[ნინო ნარიმანიშვილი, ახალციხე]