აწყურთან მომხდარი ავარიის შედეგად ერთი ადამიანი გარდაიცვალა და ერთი დაშავდა

შეგახსენებთ, დღეს, 11 მარტს, დაახლოებით 15:30 საათზე, ბორჯომი – ახალციხის გზაზე, სოფელ აწყურის შესასვლელთან, ავტოსაგზაო შემთხვევა მოხდა. "გალფის" ბენზინმზიდი სადისტრიბუციო ქსელის მიკროავტობუსს შეეჯახა და გადაბრუნდა. შემთხვევის შედეგად ბენზინმზიდის მძღოლი ადგილზე გარდაიცვალა, მიკროავტობუსის მძღლი კი დაშავდა.

სასწრაფო–სამედიცინო დახმარების სამსახურის ინფორმაციით, მიკროავტობუსის მძღოლმა ახალგაზრდა მამაკაცმა მსუბუქი დაზიანება მიიღო: "იმდენად მსუბუქი დაზიანებები ჰქონდა, რომ სამედიცინო დაწესებულებაში გადაყვანა საჭირო არ გახდა'.

მათივე ინფორმაციით, ავტოსაგზაო შემთხვევი შედეგად სხვა ადამიანები არ დაშავებულან.

შეგახსენებთ, აწყურთან ავარია დაახლოებით 40 წუთის წინ მოხდა. ადგილზე ამ დრომდე მუშაობენ მაშველები და სამართალდამცველები.

საქარველოს შინაგან საქმეთა სამინისტროს ინფორმაციით, მომხდარზე ძიება სისხლის სამართლის კოდექსის 276–ე მუხლის მე–5 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

[ნინო ნარიმანიშვილი, ახალციხე]