„უნიმედი სამცხეს“ ექთნებს ტესტირება ჩაუტარდებათ

„უნიმედი სამცხეს“ ახალციხის სამედიცინო კლინიკის მფლობელ კომპანია „ევექსში“ განმარტავენ, რომ ტესტირების შედეგები არ იქნება გამოყენებული თანამშრომლის სამსახურიდან გათავისუფლების, ან დაქვეითების მიზნით. ის მხოლოდ დაწესებულებაში დასაქმებული მედდების ზოგადი საექთნო ცოდნის დონის გამოვლენას და მათთვის კვალიფიკაციის ასამაღლებლად სასწავლო პროცესის დაგეგმვას ემსახურება.

სასწავლო კურსი მედპერსონალისთვის უფასო იქნება, გადამზადების ყველა ხარჯს კომპანია დაფარავს.

როგორც კომპანია „ევექსში“ განმარტავენ ტესტირება „უნიმედი სამცხეს“ ქსელში შემავალ ყველა კლინიკაში ყოველწლიურად ტარდება.

[თინათინ ზაზაძე, ახალციხე]