„ჩემი ოჯახის კლინიკამ“ ნინოწმინდის მცხოვრებლებს უფასო გამოკვლევები ჩაუტარა (R)

აქციის ფარგლებში მედიკოსების უფასო კონსულტაციით დაახლოებით 70-მა ადგილობრივმა მოსახლემ ისარგებლა. ამათგან ერთს, 86 წლის პაციენტს, ქირურგიული ჩარევაც დასჭირდა.

ნინოწმინდას „უნიმედი სამცხეს“ ექიმები: უროლოგი ვაჟა მამუკაშვილი, მეან-გინეკოლოგი ვასილ ძინძიბაძე, ქირურგი ელიზბარპატურაშვილი და კარდიოლოგი ლეილა ასატურიანი სტუმრობდნენ.

მედპერსონალის განმარტებით, უფასო გამოკვლევების შესახებ მოსახლეობის წინასწარ ინფორმირებულობამ უზრუნველყო მაღალი მიმართვიანობა.
როგორც „უნიმედი სამცხეს“ სამედიცინო ცენტრის მეან-გინეკოლოგმა ვასილ ძინძიბაძემ ჩვენთან საუბარში აღნიშნა 86 წლისმამაკაცს ქირურგიული ჩარევაც დასჭირდა. უროლოგმა და ქირურგმა ოპერაცია, ნინოწმინდის სამედიცინო ცენტრში გაუკეთეს. ამჟამად პაციენტი თავს კარგად გრძნობს და საავადმყოფოდან მალე გაეწერება.

ერთდღიანი აქცია „ჩემი ოჯახის კლინიკის“ ორგანიზებით დაიგეგმა. „უნიმედი სამცხეს“ სამედიცინო ცენტრის ხელმძღვანელი ვლადიმერ გელაშვილი განმარტავს, რომ მსგავსი გამოკვლევები ნინოწმინდის მცხოვრებლებს ამიერიდან ყოველ თვეში ერთხელ ჩაუტარდებათ. მომავალი წლიდან აქციაში ახალქალაქი და ადიგენიც ჩაერთვება.

[SKnews.ge]