„უნიმედი სამცხეს“ თანამშრომლები სამი თვის უხელფასობას აპროტესტებენ

შეხვედრა დახურულია და დარბაზში, სადაც 50–მდე თანამშრომელია შეკრებილი, „უნიმედი სამცხეს“ დაცვამ მედიის წარმომადგენლები არ შეუშვა.

როგორც „სამხრეთის კარიბჭეს“ ჟურნალისტმა გაარკვია, მედპერსონალი დაგვიანებულ ხელფასებთან ერთად დაბალ ანაზღაურებასაც აპროტესტებს.

„მე მხოლოდ ერთი თვის ხელფასი არ ამიღია, თუმცა თანამშრომლების უმრავლესობა სამი თვის ხელფასს ელოდება. კრედიტები გვაქვს აღებული და გადახდა გვიგვიანდება“, – ამბობს „უნიმედი სამცხეს“ თანამშრომელი ლამარა კიკნაძე.

გარდა ამისა, თანამშრომლები სარემონტო სამუშაოების გამო დაწესებულებაში გაუსაძლის პირობებსაც აპროტესტებენ: „რამდენიმე ექიმს ერთ კაბინეტში გვიხდება მუშაობა. ასე სამუშაო პროცესიც ფეხდება“.

შეხვედრას ქალაქის მერიის წარმომადგენლებთან ერთად „გაერთიანებული დემოკრატიული მოძრაობის“ წევრი და ქალაქის საკრებულოს დეპუტატი ჯიმშერ გოგოლაურიც ესწრება.

„სამხრეთს კარიბჭე“ „უნიმედი სამცხეში“ რჩება და განვითარებული მოვლენების შესახებ ინფორმაციას მოგვიანებით მოგაწვდით.

[sknews.ge]