ახალქალაქის მეორე სკოლის დირექტორმა თანამდებობა დატოვა

როგორც გაირკვა, განცხადება მან გუშინ დაწერა.

დირექტორის გადაწყვეტილების მიზეზი სკოლაში სასწავლო წლის პირველ კვირაში განვითარებული მოვლენები გახდა. შეგახსენებთ, რომ მას შემდეგ, რაც გაირკვა, რომ სკოლის საკანალიზაციო სისტემის გაჭედვის მიზეზი ჰიგიენური საფენი გახდა, დირექტორმა გოგონები შეკრიბა და მათ ქვედა საცვლები შეუმოწმა. დირექტორის ქმედებას მოსწავლეების მშობლების პროტესტი მოჰყვა. რამდენიმე დღის განმავლობაში გოგონების ნაწილი გაკვეთილებს აღარ ესწრებოდა. ხუთმა მშობელმა კი გუშინ დირექტორის წინააღმდეგ განათლების სამინისტროს გენერალურ ინსპექციასა და საქართველოს სახალხო დამცველის აპარატში საჩივარი შეიტანა.

დირექტორი კომენტარის გაკეთებაზე უარს აცხადებს. ახალქალაქის რესურსცენტრში ამბობენ, რომ მშობელთა საჩივარს განათლების სამინისტრო ჯერ არ გამოხმაურებია.

[sknews.ge]