მოხეს მუსლიმი მოსწავლეები გაკვეთილებს დაუბრუნდნენ

მუსლიმმა მოსწავლეებმა, ორ დღიანი აქციების შეწყვეტა და გაკვეთილებზე დაბრუნება, განათლების სამინისტროს შიდა აუდიტის სამსახურის წარმომადგენლებთან და პრეზიდენტის მრჩეველტან, სოფიო შამანიდთან შეხვედრის შემდეგ გადაწყვიტეს.

როგორც მოსწავლეები ამბობენ, ისინი დირექტორის მხრიდან მუსლიმი გოგონასათვის თავსაბურავის მოხსნის მითითებასთან დაკავშირებით, განცხადებას სამინისტროს შიდა აუდიტის სამსახურში შეიტანენ.

განათლების სამინისტროს შიდა აუდიტის სამსახურის წარმომადგენლები და პრეზიდენტის მრჩეველი უმცირესობათა საკითხებში სოფიო შამანიდი სოფელ მოხეში გუშინ, 27 დეკემბერს იმყოფებოდნენ. ისინი შეხვდნენ მოსწავლეებსა და სკოლის ადმინისტრაციას.

ორი დღის განმავლობაში, მოხეს სკოლის, 70–მდე მუსლიმი მოსწავლე, საგაკვეთილო პროცესებს პროტესტის ნიშნად არ ესწრებოდა. მოსწავლეები დირექტორის, ნათია რეხვიაშვილის მხრიდან მუსლიმი გოგონასთვის თავსაბურავის მოხდის მითითებას აპროტესტებდნენ. მოსწავლეები ამბობდნენ, რომ ამ ქცევით დირექტორმა მუსლიმი აღმსარებლობის მოსწავლეებს შეურაცხყოფა მიაყენა, ეს მათი დისკრიმინაცია იყო და ამიტომ, მომხდარით განათლების სამინისტრო უნდა დაინტერესდეს.

[ლუბა გიორგაძე, ადიგენი]