სამცხე-ჯავახეთი ახალგაზრდული ფორუმისთვის ემზადება

ფორუმი დემოკრატ მესხთა კავშირის, World Vision Georgia–სა და ახალციხის ახალგაზრდული ცენტრის ორგანიზებით ეწყობა. ფორუმში აღნიშნული სამი ორგანიზაციის ასობით ახალგაზრდაა ჩართული.

ამ ეტაპზე ახალგაზრდები აღნიშნული ხუთი მიმართულებით რეგიონში არსებულ ვითარებას იკვლევენ. შედეგებს კი ფორუმზე, დაინტერესებულ მხარეებს, ენჯეოებს, საბანკო სექტორსა და ადგილობრივ თვითმმართველობას გააცნობენ. ამავე ფორუმზე ახალგაზრდები რეგიონში არსებულ კონკრეტულ პრობლემებზე იმსჯელებენ, დამსწრეებს თავიანთ მოსაზრებებს გაუზიარებენ და მოგვარების გზებს შესთავაზებენ.

როგორც ორგანიზატორები აცხადებენ, ფორუმის ჩატარება 24 მაისს იგეგმება. ფორუმი ახალციხეში ჩატარდება, თუმცა, სად, ამ ეტაპზე უცნობია. ორგანიზატორების თქმით, განიხილება რამდენიმე ადგილი და საბოლოო გადაწყვეტილებას მას შემდეგ მიიღებენ, რაც მონაწილეთა რაოდენობა გაირკვევა.

[ნინო ნარიმანიშვილი, ახალციხე]