ახალციხეში ახალგაზრდული ფორუმი გაიმართა

ფორუმში ახალგაზრდები სამცხე–ჯავახეთის 14 სკოლიდან მონაწილეობდნენ. ისინი მსჯელობდნენ მათ თემებში არსებულ პრობლემებსა და მათი გადაჭრის გზებზე.

ახალგაზრდებმა პრეზენტაცია ოთხ თემაზე მოამზადეს: ეკოლოგიური პრობლემა, ინტეგრაცია, ტურიზმი და ჯანსაღი ცხოვრების წესი.

„ამ ფორუმზე კარგად გამოჩნდა, ახალგაზრდების ერთობლივი მუშაობა, კონკრეტულ თემაზე და სხვა ყველაფერთან ერთად, ეს ინტეგრაციასაც უწყიბს ხელს“, – ამბობს "საზოგადოებრივი განვითარების ახალციხის ცენტრის" ხელმძღვანელი ნუგზარ თათეშვილი.

ფორუმი სამოქალაქო განათლების პროგრამის „მომავლის თაობა“ ფარგლებში მოეწყო. სამცხე-ჯავახეთში ამ პროგრამას ახალციხის ახალგაზრდული ცენტრი კურირებს.

აღნიშნული ცენტრის ხელმძღვანელის, მაკა სუდაძის განმარტებით, დღევანდელ ფორუმში ძირითადად ახალციხისა და ახალქალაქის სკოლები მონაწილეობდნენ: „მათ შეიმუშავეს მინი პროექტები, რომლებიც დაფინანსდება 260 დოლარით. გარდა ამისა, დაგეგმილია ამ პროექტების პრეზენტაცია პოტენციურიმხარდამჭერებისათვის, რაც კიდევ უფრო შეუწყობს ხელს მათ განხორციელებას და მდგრადობას. ეს შეიძლება იყოს ადამიანური რესურსით მხარდაჭერა, კონსულტაციები, ექსპერტიზა და ა.შ.“.

სამოქალაქო განათლების პროგრამა „მომავლის თაობა“ ხორციელდება2015 წლიდან, საქართველოს განათლებისა და მეცნიერების სამინისტროს ხელშეწყობითა და აშშ საერთაშორისო განვითარების სააგენტოს (USAID) დაფინანსებით, ამერიკული ორგანიზაცია PH International-ის მიერ. პროგრამა დახმარებას უწევს 480 საჯარო სკოლას საქართველოს ყველა რეგიონში სამოქალაქო განათლების სწავლების ხარისხის ამაღლების მიზნით. პროგრამის ფარგლებში, სკოლებმა მიიღეს დამხმარე სახელმძღვანელოები და სხვა სასწავლო რესურსები, მიმდინარეობს პედაგოგთა გადამზადება, მხარდაჭერა სასკოლო სამოქალაქო კლუბების შექმნისათვის, პროგრამა მხარს უჭერს მოსწავლეებს და პედაგოგებს სკოლისა და საზოგადოების სასარგებლოდ სხვადასხვა პროექტის განხორციელებაში.





[მარიამ ბარძიმაძე, ახალციხე]