სოფლის მხარდაჭერის პროგრამის ფარგლებში ახალციხეში საპროექტო სამუშაოები დაიწყო

"სოფლის მხარდაჭერის პროგრამის" განსახორციელებლად საპროექტო სამუშაოებისთვის თანხა, დაახლოებით 13.000 ლარი ახალციხის მუნიციპალიტეტის გამგეობამ ადგილობრივი ბიუჯეტიდან გამოყო.

საპროექტო სამუშაოებისთვის ტენდერში სამმა კომპანიამ: შპს "მშენ–სერვისმა", შპს "კვადრატმა" და ინდ.მეწარმე "გიორგი ბაგინაშვილმა" გაიმარჯვა. ერთ–ერთი ტენდერი იმის გამო ჩაიშალა, რომ მასში არცერთმა კომპანიამ მონაწილეობა არ მიიღო.
გამარჯვებულ კომპანიებს საპროექტო სამუშაოების დასრულებისთვის ერთი თვის ვადა აქვთ. ამის შემდეგ მუნიციპალიტეტის გამგეობა სამუშაოების შესყიდვას დაიწყებს.

მიმდინარე წელს მუნიციპალიტეტის მასშტაბით 46 სოფელში, ჯამში 57 პროექტი განხორციელდება. "სოფლის მხარდაჭერის პროგრამის" ფარგლებში სულ 650. 590 ლარი დაიხარჯება.

[თინათინ ზაზაძე, ახალციხე]