ახალციხის გამგეობაში 20 კონკურსანტიდან გასაუბრებაზე 17 გამოცხადდა

ახალციხის გამგეობაში საჯახო მოხელეთა შესარჩევი კონკურსის მესამე ეტაპი – გასაუბრება დღეს 20 აპლიკანტს უნდა გაევლო. როგორც გამგეობაში აცხადებენ, 20–დან 3 კონკურსანტი არ გამოცხადდა.

გასაუბრება ხვალაც გაგრძელდება. კომისიის წევრები ხვალაც 20 კონკურსანტს გაესაუბრებიან.

შეგახსენებთ, რომ ახალციხის მუნიციპალიტეტის გამგეობამ კონკურსი 29 ვაკანსიაზე გამოაცხადა, საკრებულომ კი 2–ზე. 31 ვაკანსიაზე 564 განაცხადი შევიდა. აქედან, მეორე ეტაპისთვის 193 განმცხადებელი შეირჩა. ერთ განმცხადებელს განაცხადის შეტანა რამდენიმე პოზიციაზე შეეძლო.

მეორე ეტაპი, ტესტირება, 18 და 19 აპრილს ჩატარდა. ტესტირებაზე 117 აპლიკანტი გამოცხადდა, მინიმალური კომპეტენციის ზღვარი კი 40– მა გადალახა.

[მანანა სარაშვილი, ახალციხე]