ახალციხის გამგეობაში ტესტირება 18 და 19 აპრილს ჩატარდება

როგორც ახალციხის მუნიციპალიტეტის გამგეობაში განმარტავენ, საჯარო მოხელეთა შესარჩევი კონკურსის მეორე ეტაპი ტესტირება ორივე დღეს 8:00 საათზე დაიწყება.18 აპრილს ტესტირეაბა ხუთ სესიად, ხოლო 19 აპრილს ორი სესიად ჩატარდება.

შეგახსენებთ, რომ ახალციხის მუნიციპალიტეტის გამგეობამ კონკურსი 29 ვაკანსიაზე გამოაცხადა, საკრებულომ კი 2–ზე.

31 ვაკანსიაზე 564 განაცხადი შევიდა. გამგეობაში ყველაზე მოთხოვნადი აღმოჩნდა საქმისწარმოებისა და საარქივო დოკუმენტაციის დამუშავების საკითხებში წამყვანი სპეციალისტის პოზიცია. ამ ვაკანსიაზე 59 განაცხადი შევიდა. 42 განაცხადი შევიდა გამგებლის მდივნის ადგილას, 37 კი საორგანიზაციო საკითხებში წამყვანი სპეციალისტის პოზიციაზე.

საკრებულოში შესული 83 განაცხადიდან, 37 შევიდა საორგანიზაციო საკითხებში მთავარი სპეცილისტის პოზიციაზე, 46 კი საორგანიზაციო საკითხებში წამყვან სპეციალისტის ვაკანსიაზეა.

564 განაცხადიდან მეორე ეტაპისთვის 193 განაცხადი შეირჩა. თითოეულ განმცხადებელს საბუთების შეტანა რამდენიმე ვაკანტურ პოსტზე შეეძლო. ახალციხის მუნიციპალიტეტის გამგეობის ადმინისტრაციაში განმარტავენ, რომ სულ 232 განმცხადებელია.

[მანანა სარაშვილი, ახალციხე]