დღის კითხვა: როგორ აშუქებს მედია მოვლენებს [Video]

მთავარი → დღის კითხვა, მოქალაქე ჟურნალისტები 13.03.2015

ეთანხმებით თუ არა პრემიერს, რომ ქვეყანაში არსებული მდგომარეობა რეალურად ისეთი არ არის, როგორც ამას მედია წარმოაჩენს? - "სამხრეთის კარიბჭემ" ახალციხის ქუჩებში მოქალაქეები გამოკითხა.

11 მარტს საქართველოს პრემიერ–მინისტრი ირაკლი ღარიბაშვილი ქალაქის მერებსა და მუნიციპალიტეტების გამგებლებს შეხვდა. შეხვედრაზე რეგიონებში განხორციელებული პროექტებისა და ათვისებული და აუთვისებელი თანხების შესახებ იმსჯელეს.

ამ შეხვედრაზე ირაკლი ღარიბაშვილმა განაცხადა, რომ ქვექანაში არსებული მდგომარეობა რეალურად ისეთი არაა, როგორსაც მედია წარმოაჩენს. პრემიერის მოსაზრება გაიზიარა ახალციხის მერმა გიორგი კოპაძემ. შეხვედრის მეორე დღეს, მედიასთან ქალაქის მერმა განაცხადა, რომ პრემიერი ცენტრალურ მედიას გულისხმობდა, თუმცა, მას თავადაც ეთანხმება და ფიქრობს, რომ "მოვლენებს კარგად არც ადგილობრივი მედია აშუქებს".

"სამხრეთის კარიბჭე" დაინტერესდა რას ფიქრობენ ამის შესახებ მოქალაქეები და ახალციხის ცენტრში, ქუჩაში შემხვედრი მოქალაქეები გამოკითხა.

გამოკითხულთა აზრები ორად გაიყო, რესპონდენტთა ერთმა ნაწილმა თქვა, რომ მედია ნამდვილად აზვიადებს მოვლნებს და ძაბავს მოსახლეობას, იგივე რაოდენობის ადგილობრივებმა კი პირიქით, მედია მოვლენების შერბილებაში დაადანაშულეს.

[ვარლამ წიკლაური, ახალციხე]