ახალციხის მერი – ღარიბაშვილი ‘გულანთებული’ ქართველია

გიორგი კოპაძის განცხადებით, ირაკლი ღარიბაშვილი პროფესიონალი და საქმის მცოდნე ადამიანია. ახალციხის მერი ფიქრობს, რომ გადადგომასთან დაკავშირებით გადაწყვეტილებას ყოფილი პრემიერი საკუთარი ნებით მიიღებდა.

„ბატონმა მინისტრმა აღნიშნა, რომ თანამდებობა მუდმივი არ არის, მუდმივი უფალი და სამშობლოა, მეც ამ აზრზე ვარ. ბატონი ირაკლი ძალიან მაგარი ადამიანია, მე პირადად ვიცნობ. გულანთებული ქართველი, პროფესიონალი და საკუთარი საქმის მცოდნეა“, – განაცხადა ქალაქის მერმა.

შეგახსენებთ, რომ გუშინ, 23 დეკემბერს, ირაკლი ღარიბაშვილი პრემიერ-მინისტრის თანამდებობიდან გადადგა.

[ვარლამ წიკლაური, ახალციხე]