ახალციხის მუნიციპალიტეტის გამგეობამ ახალი ნაგავმზიდი შეიძინა

როგორც გამგეობაში აცხადებენ, პირველ ეტაპზე ნაგავმზიდი ახალციხის მუნიციპალიტეტის სოფელ აწყურის მაგისტრალიდან ვალის ჩათვლით, ცენტრალურ და ახლომდებარე სოფლებს მოემსახურება, რის შემდეგაც მანქანა თითქმის ყველა სოფელში შევა.

„მუნიციპალიტეტს აქამდე მსგავსი ტიპის სპეცტექნიკა არ ჰყავდა და შესაბამისად, მწვავედ იდგა ტერიტორიული ერთეულებიდან მყარი საყოფაცხოვრებო ნარჩენების გატანის საკითხი“, – ამბობს ახალციხის მუნიციპალიტეტის გამგებელი ზაზა მელიქიძე.

რა სიხშირით გამოიტანს ნაგავმზიდი სოფლებიდან ნარჩენებს, ამ ეტაპზე გარკვეული არ არის.

[მანანა სარაშვილი, ახალციხე]