ახალციხის მერიამ ნაგავმზიდი შეიძინა

ქალაქ ახალციხის მუნიციპალიტეტის მერიამ ახალი ნაგავმზიდის შესაძენად ტენდერი გასულ წელს გამოაცხადა.

„დეკემბერში უკვე გვყავდა მოგებული ფირმა, მაგრამ აღმოჩნდა, რომ ისეთი მანქანა არ იყო, რაც ტენდერის პირობებში იყო ჩადებული. როცა ეს მანქანა დავიწუნეთ, მოგებულმა ფირმამ სასამართლოში გვიჩივლა, თუმცა, სასამართლომ საქმე წარმოებაში არ მიიღო. ამ პროცესების გამო ვერ მოესწრო ნაგავმზიდის გასულ წელს შეძენა", – ამბობს გიორგი კოპაძე.

ნაგავმზიდის შესაძენად ადგილობრივი ბიუჯეტიდან 113 ათასი ლარი გამოიყო. ახალი მანქანა შპს „კეთილმოწყობას“ გადაეცა. წელს ქალაქში 40 ახალი ნაგვის ურნაც დაიდგმება.

[თამარ თოთაძე, ახალციხე]