ახალციხის გამგეობამ, აღებული ათ წლიანი სესხით ერთი ნაგავმზიდი უკვე შეიძინა

ახალციხის გამგეობაში განმარტავენ, რომ ნაგავმზიდი თანამედროვე სტანდარტებს შეესაბამება და სხვა სპეც-ტექნიკასთან შედარებით, უფრო მეტი სიმძლავრისაა, რაც ხელს შეუწყობს დასუფთავების სამუშაოების ეფექტურ შესრულებას.

ახალციხის მუნიციპალიტეტმა იგი, ევროპის რეკონსტრუქციისა და განვითარების ბანკიდან აღებული ათ წლიანი სესხით შეიძინა.
თვითმმართველობაში ამბობენ, რომ სესხით მუნიციპალიტეტი, კიდევ ერთ მაღალი გამავლობის ნაგავმზიდსა და 200 კონტეინერის შეიძენს.
სესხის აღების თაობაზე თვითმმართველობამ გადაწყვეტილება 2016 წლის 19 დეკემბრის საკრებულოს სხდომაზე მიიღო.

თავდაპირველად, ევროპის რეკონსტრუქციისა და განვითარების ბანკიდან ასაღები სესხი 161 333 ევროს შეადგენდა, თუმცა შემდეგ თანხა ევროს ექვივალენტის ნაცვლად ლარში განისაზღვრა და 483 021 შეადგენს.

ათ წლიანი სესხის დაფარვა ახალციხის გამგეობამ 2019 წლიდან უნდა დაიწყოს და ათ წელიწადში გადაიხადოს. თვითმმართველობას თანხის შეტანა წელიწადში ორჯერ, 28 ოქტომბერსა და 28 აპრილს მოუწევს.

[sknews.ge]