გამგეობის საჩუქარი ბიბლიოთეკებს

ახალციხის მუნიციპალიტეტის სოფელ აწყურის ბიბლიოთეკისთვის 64, ვალის ბიბლიოთეკისთვის კი 54 წიგნი გამგეობამ ადგილობრივი ბიუჯეტიდან გამოყოფილი თანხით შეიძინა. თოთეულ ბიბლიოთეკა 800 ლარის ღირებულების წიგნები გადასცეს. როგორც კულტურის განყოფილებაში განმარტავენ, წიგნები მოსახლეობის მოთხოვნის გათვალიწინებით შეიძინეს.

„ეს წიგნები იყო შერჩეული მკითხველის, მოსწავლე–ახალგაზრდობის თხოვნით. ამ ეტაპზე 17 ათასი წიგნი გვაქვს ბიბლიოთეკაში და ამ ფონდს ახალი წიგნები დაემატება“, – ამბობს ქალაქ ვალის საქალაქო ბიბლიოთეკის სპეციალისტი მზია ჯანაშვილი.

წიგნების გარდა გამგეობამ ინვენტარი და საახალწლო აქსესუარები ახალციხის მუნიციპალიტეტის კულტურის სახლებისთვისაც შეიძინა.

„მუსიკალური ცენტრი, ნაძვის ხის მოსართავები, საოფისე სკამები გადაეცემათ სხვილისის, ვალის, აწყურის და ურავლის კულტურის სახლებს. ურავლის კულტურის სახლში ამ ეტაპზე რეაბილიტაცია მიმდინარეობს, საახალწლოდ გაიხსნება და შესაბამისად გადაეცემათ საჩუქრები“, – ამბობს ახალციხის მუნიციპალიტეტის გამგებელი ზაზა მელიქიძე.

მისივე თქმით, წიგნებისა და სხვადასხვა ინვენტარის შესაძენად ჯამში 3 500 ლარი დაიხარჯა.

[თამარ თოთაძე, ახალციხე]