ვიწრო გზა ნახევარ მილიონ ლარად [Video/Photo]

ადგილობრივები ბორდიურის ხარჯზე გზის გაფართოებას ითხოვენ. მათ დღეს, 23 თებერვალს, ახალციხის მერთან შეხვედრა ითხოვეს. შეკრებილებთან მერის ნაცვლად მისი მოადგილე მივიდა. ზაზა თამარაშვილი ზარზმელის მცხოვრებლებს დაჰპირდა, რომ მშენებელ კომპანიას დაელეპარაკება.

სამუშაოების შემსრულებელს შპს "ასტორიას" "სამხრეთის კარიბჭე" ტელეფონით დაუკავშირდა. კომპანიის ბუღალტერის ამირან გოზალიშვილის განმარტებით, ასფალტის საფარის სიგანის მომატება მხოლოდ იმ შემთხვევაშია შესაძლებელი, თუ დამკვეთი თანხას დაამატებს.

ზარზმელის ქუჩის რეაბილიტაცია რეგიონებში განსახორციელებელი პროექტების ფონდიდან ფინანსდება, სამუშაოების შესასრულებლად 585.094 ლარი იხარჯება. სამუშაოები 2015 წლის მაისში უნდა დასრულდეს.











[თინათინ ზაზაძე, ოთარ აწყურელი, ახალციხე]