2018 წელს, ახალციხის თემში, 3 მლნ–მდე ლარით, 9 პროექტი განხორციელდება

მთავარი → სიახლე, ეკონომიკა 28.07.2017

მომავალ წელს ახალციხის მუნიციპალიტეტის სოფლებში რეგიონებში განსახორიცელებელი პროექტების ფონდიდან 2 852 990 ლარი გამოიყოფა, რომელიც 9 პროექტის განხორციელებას მოხმარდება.

2018 წელს, ახალციხის თემში, 3 მლნ–მდე ლარით, 9 პროექტი განხორციელდება

9 პროექტიდან, ერთი წყლის პრობლემის მოგვარებას ეხება, დანარჩენი 8–კი გზების მოასფალტებას.

რეგიონებში განსახორციელებელი პროექტების თანხას 2 852 990 ლარს, ადგილობრივი თვითმმართველობა 150 157 ლარს დაამატებს, რაც საერთო თანხის 5%–ია. ახალციხის მუნიციპალიტეტის გამგეობაში განმარტავენ, რომ წელს მსგავს შემთხვევაში თვითმმართველობამ 30% დაამატა, მომავალი წლისთვის კი დაფინანსება 5%–მდე შემცირდება.

„კანონმდებლობით არის განსაზღვრული რომ რეგფონდიდან გამოყოფილ თანხებს არანაკლებ 5%–ის თანადაფინანსება უნდა მოყვეს. ამ შემთხვევაში აღებულია მინიმუმი თანხა“, – განაცხადა ახალციხის თემის გამგებელმა ზაზა მელიქიძემ.

გთავაზობთ ჩამონათვალს, რომელ სოფელში რა პროექტი განხორციელდება 2018 წელს:

► აწყურის სასმელი წყლის სათავე ნაგებობების და მაგისტრალური მილსადენის რეაბილიტაცია ე.წ „ხულევას ხევში“ – 120 823 ლარი;
► ფერსის საავტომობილო გზის რეაბილიტაცია–გიორგიწმინდა მუგარეთის გზის გადაკვეთიდან სოფლის ცენტრამდე – 372 250 ლარი;
► გიორგიწმინდა–ფერსა–მუგარეთის შემაერთებელი საავტომობილო გზის რეაბილიტაცია – 345 000 ლარი;
► ანდრიაწმინდის და ანდის მისასვლელი გზის რეაბილიტაცია – 300 000 ლარი;
► ტატანისი–სვირი–ბოგას საავტომობილო გზის რეაბილიტაცია – 1 010 000 ლარი;
► ახალციხე–ჭვინთა–ელიაწმინდის გზია რეაბილიტაცია – 220 000 ლარი;
► ზიკილიის საავტომობილო გზის რეაბილიტაცია (2 ეტაპი) – 255 074 ლარი;
► მინაძის შიდა გზის რეაბილიტაცია სკოლისა და „ოხერას“ ეკლესიის მიმართულებით (ც|ბეტონი) – 250 000 ლარი;
► კლდის ე.წ „ზეუბნის“ საავტომობილო გზის რეაბილიტაცია (2 ეტაპი) – 130 000 ლარი;

აღნიშნული პროექტების საპროექტო სამუშაოები უკვე შესრულებულია, 2018 წელს, თანხის გამოყოფის შემდეგ ტენდერი სარეაბილიტაციო სამუშაოების განხორციელებაზე გამოცხადდება.

შეგახსენებთ, რომ მიმდინარე წელს რეგიონებში განსახორციელებელი პროექტების ფონდიდან 11 პროექტი ხორციელდება, რისთვისაც რეგიონული ფონდიდან 2 851 000 ლარი იყო გამოყოფილი.

[თინათინ ზაზაძე, ახალციხე]