ახალციხეში ზარზმელის ქუჩის რეაბილიტაცია დაიწყო

ზარზმელის ქუჩა პირობითად, სამ ქუჩად იყოფა: ზარზმელის N-1,2 და 3 ქუჩები. პირველადი, გზის მოსწორების სამუშაოები უკვე დასრულებულია სამივე ქუჩაზე. პარალელურად, N1 ქუჩაზე უკვე მიმდინარეობს სანიაღვრე არხის მოწყობა. N2 ქუჩაზე კი დასრულდა საკანალიზაციო ქსელის განახლება. ამ ეტაპზე საკანალიზაციო ქსელი იცვლება N3 ქუჩაზე.

ზარზმელის ქუჩის რეაბილიტაცია რეგიონებში განსახორციელებელი პროექტების ფონდიდან ფინანსდება, ბიუჯეტიდან 587.494 ლარი გამოიყო. ტენდერში, 585.094 ლარით შპს „ასტორიამ“ გაიმარჯვა.

სატენდერო დოკუმენტაციის თანახმად ზარზმელის ქუჩის რეაბილიტაცია მიმდინარე წლის მაისის ბოლოს უნდა დასრულდეს. სატენდერო დოკუმენტაციის თანახმად, შესრულებული სამუშაოს საგარანტიო ვადა, ობიექტის საბოლოო მიღება ჩაბარების აქტის გაფორმების დღიდან 2 წელია.

[მანანა სარაშვილი, ახალციხე]