ახალციხეში საცხოვრებელი სახლის სხვენში ხანძარი გაჩნდა

შემთხვევა, 16 აპრილს, დაახლოებით 18:00 საათზე მოხდა. სახურავიდან ამოსული კვამლი ოჯახის წევრებმა შენიშნეს და სახანძრო–სამაშველო სამსახურს გამოუძახეს.

"ღუმელის მილში გაჩნდა ხანძარი, ნამწვი იყო ეტყობა. დაიწვა სახურავის ნაწილი და ერთ–ერთ ოთახში ‘გიფსოკარდონი’. გადავრჩით, რომ გვიან ღამით არ მოხდა, თორემ ჩვენამდეც ჩამოაღწევდა ცეცხლი", – ამბობს ოჯახის დიასახლისი.

ოჯახის წევრების თქმით, ადგილზე სახანძრო–სამაშველო სამსახურის ორი ეკიპაჟი მუშაობდა.

ადგილზე იმყოფებოდნენ ახალციხის მერიის თანამშრომლებიც. მათი განცხადებით ზარალს შესაბამისი კომისია შეისწავლის.

[მარიამ ბარძიმაძე, ახალციხე]