ხარჯამში საცხოვრებელი სახლი ნაწილობრივ დაიწვა

სოფელ ხარჯამში ხანძარი დაახლოებით 11:00 საათისთვის გაჩნდა. გამგებლის წარმომადგენელი წახანის ადმინისტრაციულ ერთელში ნუგზარ კარკაძე ამბობს, რომ ამ დროს ოჯახის წევრები სახლში არ იმყოფებოდნენ. სახანძრო–სამაშველო ბრიგადა მორჩაშვილების მეზობელმა გამოიძახა.

მისი თქმით, ხანძარი სავარაუდოდ დენისგან გაჩნდა, რის გამოც სახლის ნაწილი და სახურავი მთლიანად დაიწვა.

„გოჩა სახლში არ იმყოფებოდა. თბილისშია წასული შვილს ოპერაციას უკეთებს, ძალიან უჭირთ. დანარჩენი ოჯახის წევრები სოფელში იმყოფებოდნენ და ამბავი, რომ გაიგეს შემდეგ მივიდნენ სახლში. სახურავი მთლიანად ააძრეს, ისეთი მდგომარეობაა იქ აღარ იცხოვრება“, – ამბობს ნუგზარ კარკაძე.

როგორც გამგებლის წარმომადგენელი ამბობს, ოჯახი სოციალურად დაუცველია.

შინაგან საქმეთა სამინსიტროში განმარატვენ, რომ აღნიშნულ ფაქტთან დაკავშირებით გამოძიება არ დაწყებულა: „ძალიან მცირედი ცეცხლი იყო და ზარალი არ გამოუწვევია“.

შემთხვევის ადგილზე მობილიზებული იყო ადიგენის და ახალციხის სახანძრო–სამაშაველო სამსახურის ბრიგადები.

[თინათინ ზაზაძე, ადიგენი]