შალვა გოგოლაძის საქმის განხილვა დაასრულა. დღეს, 20 თებერვალს გამართულ სასამართლო პროცესს პარტიის ლიდერი, ირაკლი ალასანია დაესწრო.">

ახალციხის სასამართლომ შალვა გოგოლაძის საქმის განხილვა დაასრულა [Video]

მთავარი → SK TV » ვიდეო 20.02.2015

ახალციხის რაიონულმა სასამართლომ „თავისუფალი დემოკრატების“ წევრის, თვითმმართველი ქალაქის, ახალციხის საკრებულოს დეპუტატის, შალვა გოგოლაძის საქმის განხილვა დაასრულა. დღეს, 20 თებერვალს გამართულ სასამართლო პროცესს პარტიის ლიდერი, ირაკლი ალასანია დაესწრო.

შეგახსენებთ, რომ შალვა გოგოლაძე, საკრებულოს იურიდიული კომიტეტის თავმჯდომარეობიდან, 2014 წლის 21 ნოემბერს, საკრებულოს რიგგარეშე სხდომაზე, დეპუტატებმა ხმათა უმრავლესობით გადააყენეს. საკრებულოს 15 დეპუტატიდან მის გათავისუფლებას მხარი 10–მა დაუჭირა. გოგოლაძე თანამდებობიდან მას შემდეგ გადააყენეს, რაც ირაკლი ალასანიამ კოალიცია დატოვა. გოგოლაძე ამ დრომდე რჩება პარტიაში და ფიქრობს, რომ მას პოსტი სწორედ ამიტომ დაატოვებინეს.

ახალციხის რაიონულ სასამართლოს გოგოლაძემ 18 დეკემბერს, ადმინისტრაციული სარჩელით მიმართა. გოგოლაძე საკრებულოს 2014 წლის 21 ნოემბრის №48 განკარგულების ბათილად ცნობას ითხოვს. იგი თავმჯდომარეობიდან სწორედ ამ განკარგულების საფუძველზე გაათავისუფლეს.

[თამუნა უჩიძე, გიორგი ლონდარიძე, ახალციხე]