შალვა გოგოლაძის სასამართლოს ირაკლი ალასანია ესწრება

ახალციხის მუნიციპალიტეტის საკრებულოს იურიდიული კომიტეტის ყოფილი თავმჯდომარის, შალვა გოგოლაძის სასამართლო პროცესი 12:00 საათზე დაიწყო. დღევანდელ სასამართლო პროცესზე მოწმეები დაიკითხებიან.

პროცესს „თავისუფალი დემოკრატების“ ლიდერი ირაკლი ალასანია ესწრება. როგორც მან „სამხრეთის კარიბჭესთან“ განაცხადა, შალვა გოგოლაძის თანამდებობიდან გადაყენება არ არის პირველი შემთხვევა.

„მსგავსი შემთხვევა მოხდა აჭარაშიც. დარწმუნებული ვარ, სასამართლო სამართლიან გადაწყვეტილებას გამოიტანს“, – განაცხადა ირაკლი ალასანიამ.

შეგახსენებთ, რომ შალვა გოგოლაძე ქალაქ ახალციხის მუნიციპალიტეტის საკრებულოს 2014 წლის 21 ნოემბრის №48 განკარგულების ბათილად ცნობას ითხოვს. გოგოლაძე იურიდიული კომიტეტის თავმჯდომარეობიდან სწორედ ამ განკარგულების საფუძველზე გაათავისუფლეს.

[Sknews.ge]