ადგილობრივ სამოქალაქო ორგანიზაციებს ახალციხეში ტრენინგზე იწვევენ

ადგილობრივი სამოქალაქო ორგანიზაციების, ასოციაციებისა და თვითმმართველობების მიერ დაფუძნებული არაკომერციული იურიდიული პირების წარმომადგენლები მიიღებენ ინფორმაციას სოფლის განვითარების ეროვნული პოლიტიკის შესახებ და მის მნიშვნელობაზე ადგილობრივი განვითარებისთვის, დაინტერესებულ მხარეთა როლის შესახებ პოლიტიკის ფორმირებასა და განხორციელებაში, ევროკავშირის LEADER (სოფლის ეკონომიკის განვითარების ღონისძიებებს შორის კავშირი) მიდგომისა და ადგილობრივი სამოქმედო ჯგუფების ევროპული პრაქტიკის საქართველოში დანერგვის შესახებ.

ტრენინგ-პროგრამის მიზანია ხელი შეუწყოს სოფლის განვითარების ადვოკატირებასა და სამოქალაქო აქტივობის გაზრდას საქართველოს რეგიონებში.

ღონისძიება იმართება ევროკავშირის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მხარდაჭერით, გაეროს განვითარების პროგრამის (UNDP) პროექტის ფარგლებში, სამოქალაქო განვითარების სააგენტოს (CiDA) ორგანიზებით.

ევროკავშირი (EU) ხელს უწყობს სოფლად სიღარიბის შემცირებასა და სოფლის განვითარების თანამედროვე პრაქტიკის დანერგვას საქართველოში სოფლისა და სოფლის მეურნეობის განვითარების ევროპის სამეზობლო პროგრამის, ENPARD-ის დახმარებით. საქართველოში პროგრამა 2013 წლიდან ხორციელდება და 2013-2019 წლებისათვის მისი ბიუჯეტი 102 მილიონ ევროს შეადგენს. პროგრამის პირველი ფაზის პრიოტიტეტი სოფლის მეურნეობის განვითარების ხელშეწყობა იყო, ხოლო მეორე ფაზა მიზნად ისახავს სოფლად მცხოვრები ადამიანების ეკონომიკური განვითარების შესაძლებლობების გაზრდას. დამატებითი ინფორმაციისათვის იხილეთ ვებ-გვერდი: www.enpard.ge

საკონტაქტო ინფორმაცია:

ეთუნა ცოტნიაშვილი, „სიდას“ კომუნიკაციის მენეჯერი, 599 512215, pr@cida.ge.

[sknews.ge]