ევროკავშირის შეთავაზება სამთავრობო და არასამთავრობო სექტორს

აღმოსავლეთის პარტნიორობის ტერიტორიული თანამშრომლობის პროგრამები ოთხ სასაზღვრო რეგიონში უკრაინა–მოლდოვა, უკრაინა–ბელორუსია, საქართველო–სომხეთი და საქართველო–აზერბაიჯანის რეგიონებში ხორციელდება.

პროგრამის მიზანია მონაწილე სასაზღვრო რეგიონებს შორის მდგრადი ტერიტორიული თანამშრომლობის ხელშეწყობა, მათი სოციალური და ეკონომიკური განვითარების მიზნით.

პროგრამის პრეზენტაცია „აღმოსავლეთ პარტნიორობის ტერიტორიული თანამშრომლობის პროგრამის ექსპერტმა ლუბო პალივოდამ გამართა. იგი არასამთავრობო და სამთავრობო სექტორის წარმომადგენლებს პროგრამის შესახებ ესაუბრა და საპროექტო წინადადებების მომზადების შესახებ დეტალური ინფორმაცია მიაწოდა.

მისი თქმით, პროექტები სამ პრიორიტეტს უნდა პასუხობდეს: „პირველი ეს გახლავთ სოციალურ–ეკონომიკიური დახმარება რეგიონისთვის, მეორე უნდა იყოს ერთობლივი სამოქმედო პროგრამა, რომელსაც ერთობლივად მოამზადებს საქართველო და სომხეთი, მესამე კი გახლავთ ხალხთაშორისი ურთიერთობა და თანამშრომლობა განათლების, კულტურისა და სპორტის მიმართულებით“.

ევროკომისიამ ოთხივე პროგრამის განსახორციელებლად 12 მილიონ ნახევარი ევრო გამოყო, აქედან საქართველო – სომხეთისთვის 1, 350,000 ევროა განსაზღვრული.


[მანანა სარაშვილი, ახალციხე]