თეა წულუკიანი ჯავახეთს სტუმრობს

ამის შესახებ ინფორმაციას საინფორმაციო სააგენტო jnews.ge ავრცელებს. თეა წულუკიანმა ახალქალაქში ადგილობრივ თვითმმართველობის წარმომადგენლებთან ერთად სახელმწიფო სერვისების განვითარების ცენტრი მოინახულა.

სამმა ადგილობრივმა მინისტრს წერილი გადასცა, თეა წულუკიანი მათ დაჰპირდა, რომ წერილებს გაეცნობა და მათ პრობლემებს მოაგვარებს.
მოსახლეობასთან შეხვედრების დასრულების შემდეგ თეა წულუკიანი ადგილობრივი ხელისუფლების წარმომადგენლებს და პარლამენტის დეპუტატებს შეხვდა. შეხვედრა დახურულ კარს მიღმა გაიმართა.

ახალქალაქში ვიზიტის შემდეგ თეა წულუკიანი ნინოწმინდაში გაემგზავრა, სადაც ის ადგილობრივი თვითმმართველობის წარმომადგენლებს შეხვდა.

[Sknews.ge]