სტუდენტები ადგილობრივი ბიუჯეტის დაგეგმვაში ჩაერთვებიან

სამცხე-ჯავახეთის სახელმწიფო სასწავლო უნივერსიტეტის სტუდენტებს, ამ საკიტხის განსახილველად, საქართველოს ახალგაზრდა ეკონომისტთა ასოციაციის წარმომადგენელი ქეთი ფაცაცია შეხვდა. შეხვედრა სამცხე-ჯავახეთის სახელმწიფო სასწავლო უნივერსიტეტში გაიმართა.

ქეთი ფაცაციამ სტუდენტებთან იმ პროექტზე ისაუბრა, რომელსაც ახალგაზრდა ეკონომისტთა ასოციაცია გერმანიის თანამშრომლობის ფონდთან ერთად ახორციელებს. აღნიშნული პროექტი ადგილობრივი ბიუჯეტის დაგეგმვაში, სხვა მიზნობრივ ჯგუფებთან ერთად, ახალგაზრდების ჩართვასაც ითვალისწინებს.

შეხვედრაზე იმყოფებოდა ადგილობრივი თვითმმართველობის კულტურის სამსახურის სპეციალისტი სპორტისა და ახალგაზრდულ საქმეთა საკითხებში მაია სხირტლაძე. მისი თქმით, ადგილობრივი თვითმმართველობა გაითვალისწინებს ახალგაზრდებისთვის მნიშვნელოვან საკითხებს, რაც აისახება მუნიციპალიტეტის წლიურ ბიუჯეტში.

ასევე, დაიგეგმა ადგილობრივი თვითმმართველობის წარმომადგენლებთან სტუდენტების შეხვედრაც, რომელიც ოქტომბრის ბოლოს გაიმართება.

[sknews.ge]