ახალციხეში ხანძარი ლოკალიზებულია

ხანძარი საცხოვრებელ სახლს დაახლოებით ნახევარი საათის წინ მოედო. ამ დროს ბინაში ოჯახის მხოლოდ ერთი წევრი, 75 წლის აღუნიკ აგაბაბიანი იმყოფებოდა.

"ხანძარი საცხობიდან გადმოვიდა", - ამბობს დაზარალებული აღუნიკ აგაბაბიანი.

როგორც სამაშველო სამსახურის თანამშრომლები აცხადებენ, ძირითადად დამწვარია მხოლოდ სახურავი. მათი განცხადებით, ასევე სახურავი დაეწვა სტომატოლოგიურ კლინიკასაც.

აგაბაბიანების ახლობლების თქმით, სახლში დამწვარი თითქმის არაფერია.

ამ დროისთვის მანველიშვილის ქუჩას ელექტრო ენერგია არ მიეწოდება. ასევე შეწყდა, გაზმომარაგებაც.

"გაზი გავთიშეთ, რადგან რაიმე საფრთხე არ შეიქმნას. ჩვენი თანამშრომლები ამ წუთებშიც იქ არიან", - აცხადებს შპს "ელენის" დირექტორი ვასილ აბულაძე.

შემთხვევის ადგილზე, იმყოფებიან ახალციხის მერიის თანამშრომლებიც.

"ჯერ არაფერი ვიცით, მიყენებული ზიანის ანაზღაურების შესახებ მხოლოდ მას შემდეგ ვბისაუბრებთ რაც ზარალს დავითვლით", -- ამბობს ახალციხის მერის მოადგილე ზაზა გელაძე.

რამ გამოიწვია ხანძრი მანველიშვილის ქუჩაზე ჯერ უცნობია.

"ხანძრის გამომწვევ მიზეზს ექსპერტიზა დაადგენს", - აცხადებენ შინაგან საქმეთა სამინისტროს პრესსამსახურში.

მომხდარზე ძიება სსკ-ის 187-ე მუხლით დაიწყო, რაც ნივთის დაზიანებასა და განადგურებას გულისხმობს.








[sknews.ge]