სხვილისში საცხოვრებელ სახლს ცეცხლი გაუჩნდა

ლოკიანების სახლს ცეცხლი დღეს, ექვს თებერვალს, დაახლოებით, 15:00 საათზე გაუჩნდა, ამ დროს სახლში არავინ იმყოფებოდა, ხანძარი მეზობლებმა შენიშნეს და 112–ში დარეკეს.

„დილით ღუმელი დავბერტყე და ნაცარი პლასტმასის ვედროთი აივანზე დავდე, სავარაუდოდ აქედან გაჩნდა ხანძარი. დამწვარია აივანი და სახურავი, ოთახები გადარჩა“, –აცხადებს ანნაიდა ლოკიანი.

შემთხვევის ადგილზე ახალციხის სახანძრო სამსახურის სამი ჯგუფი მუშაობს, ხანძარი ლოკალიზებულია, მიმდინარეობს სალიკვიდაციო სამუშაოები.

ახალციხის მერიაში აცხადებენ, რომ სხვილისში იმყოფებიან მათი წარმომადგენლებიც: "ზარალს შეისწავლიან და აუცილებლად დავეხმარებით",

[თინათინ ზაზაძე, ახალციხე]