ახალციხეში არასრულწლოვანთა დანაშაულის პრევენციაზე იმსჯელეს

დღეს, 4 ნოემბერს, ახალციხის #2–ე საჯარო სკოლის მეცხრე – მეათე კლასების მოსწავლეები, არასრულწლოვანთა მიერ ჩადენილ დანაშაულებსა და მათი პასუხისმგებლობის საკითხებს გაეცნენ.

შეხვედრა პროექტის ,,საზოგადოებრივი პროკურატურის“ ფარგლებში გაიმართა, მას ახალცხის რაიონული პროკურატურის პროკურორი, გელა მაღრაძე უძღვებოდა.

შეხვედრის დროს, ხაზი გაესვა არასრულწლოვანების მიერ ჩადენილ ისეთ სპეციაფიკურ დანაშაულებებს, როგორებიცაა: სქესობრივი კავშირის დამყარება 16 წლამდე პირთან, გარყვნილი ქმედების ჩადენა, ხულიგნობა, ცივი იარაღის ტარება, ქურდობა და სხვა.

მონაწილეებმა ისაუბრეს დანაშაულებების შეფასების შესახებაც, თუ რა სახის ქმედება ითვლება დანაშაულად და რამდენი კატეგორიის დანაშაული არსებობს. ასევე გაეცნენ რა შეღავათებით სარგებლობენ არასრულწლოვანები ამა თუ იმ ქმედებს ჩადენისას.

გელა მაღრაძის განმარტებით მსგავსი შეხვედრები ქვეყნის მასშტაბით სხვადასხვა სკოლაში ტარდება.
.
"მოსწავლეებმა ძირითადად კითხვები დასვეს ისეთ თემებზე, როგორებიც არის: ნარკოტიკების წინააღმდეგ მიმართული დანაშაულებები, ოჯახური ძალადობა. შეხვედრები პრევენციულ ხასიათა ატარებს, რათა აღკვეთილი იყოს არასრულწლოვნების მხირდან ამა თუ იმ დანაშაულის ჩადენა“ – განმარტა ახალციხის რაიონული პროკურატურის პროკურორმა გელა მაღრაძემ.

[თაკო ფეიქრიშვილი, ახალციხე]