ადიგენში სტიქიის შედეგებს ხვალ დაითვლიან

დღეს, 14 სექტემბერს ადიგენის მუნიციპალიტეტის რვა სოფელში ძლიერი წვიმა და სეტყვა მოვიდა. სტიქიის შედეგად განადგურდა ხეილი და დაზიანდა სასოფლო–სამეურნეო სავარგულები. ზარალის ოდენობა ჯერ ცნობილი არ არის. ამ წუთებში სტიქიის ზონაში იმყოფება ადიგენის მუნიციპალიტეტის გამგებელი ზაქარია ენდელაძე. მასთან ერთად არიან გამგეობის წარმომადგენლებიც და სტიქიის შემდეგ სოფლებში არსებულ ვითარებას ადგილზე ეცნობიან.

როგორც ადიგენის მუნიციპალიტეტის გამგებლის მოადგილე არსენ ბალახაშვილი "სამხრეთის კარიბჭესთან" სატელეფონო საუბარში განმარტავს, რვავე სოფელში განადგურებულია მოსავალი.

"უკვე ვიყავით პატარა და დიდ სმადაში, ამ წუთში ვართ ლელოვანში. ხეხილი განადგურებულია, მიწის ზემოდან რაც კი იყო ლობიო და ასე შემდეგ, მომსპარია. დაზიანებულია სახლების სახურავებიც. სოფლის მეურნეობის სამსახურიც ჩვენთან ერთად არის და ხვალიდან დაიწყებენ ზარალის დათვლას", – ამბობს არსენ ბალახაშვილი.

[თამარ თოთაძე, ადიგენი]