ადიგენში საჯარო მოხელეებს ხელფასები გაუზარდეს

გამგებლის მოადგილეები: პირველი მოადგილე მინდია ჯელია და მეორე მოადგილე არსენ ბალახაშვილი

გამგებლის პირველი მოადგილის ხელფასი 1350 ლარიდან 1700 ლარამდე გაიზარდა, მეორე მოადგილის – 1350 ლარიდან 1500 ლარამდე. ადიგენის გამგეობაში შექმნილი სამსახურების უფროსების თანამდებობრივი სარგოები კი 1000 ლარით განისაზღვრა.

ადიგენის მუნიციპალიტეტის საკრებულოს თავმჯდომარის ლევან ლობჯანიძის განმარტებით, ადიგენის მუნიციპალიტეტის გამგეობამ თანამდებობრივი სარგოების გაზრდის შესახებ განცხადება საკრებულოში 5 აგვისტოს შეიტანა.

ადიგენის მუნიციპალიტეტის გამგებელი ზაქარია ენდელლაძე ამბობს, რომ ბიუჯეტი ხელფასების ზრდის საშუალებას იძლეოდა: „ყველა მუნიციპალიტეტი, მათ შორის ჩვენც, ხარჯვითი ნაწილის მიხედვით ითვლის სახელფასო განაკვეთს. თუ მიეცემა შესაძლებლობა, რომ თანამშრომლებს ხელფასი გაუზარდონ, რა თქმა უნდა გაზრდიან. ჩვენც როგორც შეგვეძლო ისე გავზარდეთ თანამშრომლების თანამდებობრივი სარგოები“.

თავად გამგებლის ხელფასი 2650 ლარით განისაზღვრება.


ადიგენის მუნიციპალიტეტის გამგებელი ზაქარია ენდელაძე

[მანანა სარაშვილი, ადიგენი]