ასპინძის თვითმმართველობაში ხელფასების მატება მაღალი თანამდებობის პირებს არ შეხებიათ

ახალი საშტატო ნუსხის მიხედვით, ასპინძის მერიაში 71 თანამშრომელი მუშაობს, აქედან მერის ასისტენტის პოზიციებზე რვა შტატი ახლი დამატებულია.

მერიაში ხელფასები სამსახურებისა და განყოფილებების უფროსებს 100 ლარით, ხოლო უფრო დაბალი რანგის თანამშრომლებს 60 ლარით გაეზარდათ.

თანამდებობრივი სარგოები ასპინძის მერიაში:

მერი– 2 650 ლარი;

მერის პირველი მოადგილე– 1 800 ლარი;

მერის მეორე მოადგილე– 1 600 ლარი;

ადმინისტრაციული სამსახურის უფროსი – 1 300 ლარი;

საფინანსო–საბიუჯეტო სამსახურის უფროსი –1 300 ლარი;

იურიდიული სამსახურის უფროსი – 1 300 ლარი;

სახელმწიფო შესყიდვების სამსახურის უფროსი –1 300 ლარი;

ეკონომიკური განვითარებისა და ქონების მართვის სამსახურის უფროსი – 1 300 ლარი;

ინფრასტრუქტურის, სივრცითი მოწყობის არქიტექტურისა და მშენებლობის ზედამხედველობის სამსახურის უფროსი– 1 300 ლარი;
კონტროლისა და შიდა აუდიტის სამსახურის უფროსი– 1 300 ლარი;

კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურის უფროსი –1 300 ლარი;

სამხედრო აღრიცხევბისა და გაწვევის სამსახურის უფროსი – 1 300 ლარი;

განყოფილების უფროსების ხელფასი 1 000 ლარია ხოლო პირველი და მეორე რანგის თანამშრომლების ხელფასი 700, ან 800 ლარი.

დაბა ასპინძაში მერის წარმომადგენლის ხელფასის ოდენობა 800 ლარია, მისი ასისტენტის – 700 ლარი; ასპინძის მუნიციპალიტეტის სოფლებში კი მერის წარმომადგენლის ხელფასი 650 ლარს შეადგენს, მისი ასისტენტის შრომითი ანაზღაურება კი 550 ლარია.

რაც შეეხება ასპინძის საკრებულოს, აქ ხელფასები არ გაზრდიათ, უფრო მეტი კომისიებისა და ფრაქციების თავმჯდომარეებს 100–100 ლარი დააკლდათ.

"აქამდე ფრაქციებისა და კომისიების თავმჯდომარეების ხელფასები 1400 ლარი იყო, ახლა კი 1 300 გვექნება. უცვლელი დარჩა დეპუტატების ხარჯის ოდენობა და ის ისევ 397 ლარია", – ამბობს ასპინძის მუნიციპალიტეტის საკრებულოს დეპუტატი გიორგი ჯვარიძე.


თანამდებობრივი სარგოები ასპინძის საკრებულოში:

საკრებულოს თავმჯდომარე – 2 650 ლარი;

საკრებულოს თავმჯდომარის მოადგილე– 1 800 ლარი;

საკრებულოს კომისიის თავმჯდომარე– 1 300 ლარი;

საკრებულოს ფრაქციის თავმჯდომარე –1 300 ლარი;

საკრებულოს ფრაქციის თავმჯდომარის მოადგილე – 1 000 ლარი;

საკრებულოს აპარატის უფროსი – 1 300 ლარი;

აპარატის სხვა თანამშრომლების სახელფასო ანაზღაურება 700 –1000 ლარია.

[ლუბა გიორგაძე, ასპინძა]