რა ოდენობის ხელფასს იღებენ სამცხე –ჯავახეთის მუნიციპალიტეტების ხელმძღვანელები

სამცხე–ჯავახეთის შვიდი მუნიციპალიტეტიდან გამგებელი ექვს მუნიციპალიტეტს ჰყავს. ექვსივე მუნიციპალიტეტში გამგებლის ხელფასის ოდენობა 2650 ლარით განისაზღვრება.

განსხვავებულია მუნიციპალიტეტების გამგებლის მოადგილეების ხელფასები. ყველაზე მაღალი ანაზღაურება ადიგენში აქვთ. ადიგენის მუნიციპალიტეტის გამგებლის მოადგილეებს თანამდებობრივი სარგოები 5 აგვისტოს შემდეგ გაეზარდათ.
ადიგენის მუნიციპალიტეტის გამგებლის პირველი მოადგილის ხელფასი 1350 ლარიდან 1700 ლარამდე გაიზარდა. მეორე მოადგილის კი 1350 ლარიდან 1500 ლარამდე.

1300 ლარი აქვთ ანაზღაურება გამგებლის მოადგილეებს დანარჩენ მუნიციპალიტეტებში, გარდა ახალქალაქისა. ახალქალაქში მოადგილეებს ყველაზე დაბალი ანაზღაურება, 1200 ლარი აქვთ.

მუნიციპალიტეტის გამგეობებში შექმნილი სამსახურის უფროსების თანამდებობრივი სარგეობი კი 1000 ლარით განისაზღვრება.

[მანანა სარაშვილი, ახალციხე]