პირველკლასელთა რეგისტრაცია სრულდება

ახალციხის პირველ საჯარო სკოლაში რეგისტრაცია 79–მა პირველკლასელმა გაიარა. სკოლის დირექტორი მაკა ჯანაშვილი ამბობს, რომ ამ ეტაპზე არ არის გადაწყვეტილი რამდენი პირველი კლასი გაიხსნება: „3 ან 4 პირველი კლასის გახსნას ვგეგმავთ, ამ საკითხს პედსაბჭოზე გავიტანთ, რის შემდეგაც ზუსტად გაირკვევა რამდენი კლასი გაიხსნება“.

21 პირველკლასელი დარეგისტრირდა მეორე საჯარო სკოლაში. 7 ქართულ განყოფილებაში, 14 – რუსულში.

35 პირველკლასელია რეგისტრირებული მესამე საჯარო სკოლაში. სკოლის დირექტორის, სვეტლანა არუთუნიანის თქმით, გასული წლის მსგავსად, მიმდინარე წელსაც 2 პარალელური კლასი გაიხსნება.

134 პირველკლასელი დარეგისტრირდა მეხუთე საჯარო სკოლაში, სკოლის დირექტორის თქმით, ჯამში 6 პირველი კლასი გაიხსნება.

25 პირველკლასელია რეგისტრირებული მეექვსე საჯარო სკოლაში, აღნიშნულ სკოლაში ერთი პირველი კლასი გაიხსნება.

კერძო სკოლა „მზექაში“ კი 8 პირველკლასელი დარეგისტრირდა.

შეგახსენებთ, რომ პირველკლასელთა რეგისტრაცია 23 აპრილს დაიწყო და 18 ივლისს დასრულდა. რეგისტრაცია სამ ეტაპად განხორციელდა. განათლების სამინისტროს გადაწყვეტილებით პირველკლასელთა რეგისტრაცია 1 და 2 სექტემბერსაც იყო შესაძლებელი. ვადა მათთვის გახანგრძლივდა, ვინც სხვადასხვა მიზეზების გამო რეგისტრაცია ვერ მოასწრო.

[მანანა სარაშვილი, ახალციხე]