რამდენი თავისუფალი ადგილია ახალციხის სკოლებში პირველკლასელებისთვის

2018–2019 სასწავლო წლისათვის ქალაქ ახალციხის სკოლებში 558 ადგილიდან რეგისტრაციის პირველ ეტაპზე 187 ადგილი შეივსო.

ახალციხის N1 საჯარო სკოლაში დარეგისტრირდა 39 პირველკლასელი, დარჩენილია – 111 ადგილი.

ახალციხის N2 საჯარო სკოლაში ქართულ სექტორში დარეგისტრიდა რვა, ხოლო რუსულში ორი, დარჩენილია – 90 ადგილი.

ახალციხის N3 საჯარო სკოლაში დარეგისტრირდა 22, დარჩენილია – 58 ადგილი.

ახალციხის N4 საჯარო სკოლაში ქართულ სექტორში დარეგისტრირდა ერთი, ასევე ერთი დარეგისტრირდა სომხურ სექტორშიც, დარჩენილია შვიდი ადგილი.

ახალციხის N5 საჯარო სკოლაში დარეგისტრირდა 94, დარჩენილია – 56 ადგილი.

ახალციხის N6 საჯარო სკოლაში დარეგისტრირდა 10 პირველკლასელი, დარჩენილია – 40 ადგილი.

ახალციხის N7 საჯარო სკოლაში არცერთი პირველკლასელი არ დარეგისტრირებულა, სკოლაში შვიდი ადგილია.

ახალციხის კერძო სკოლა „მზექაში“ დარეგისტრირდა 10 პირველკლასელი, დარჩენილია – ორი ადგილი.

რეგისტრაციის მეორე ეტაპი დღეს, რვა მაისს დაიწყო და რვა ივნისამდე გაგრძელდება. მეორე ეტაპზე შესაძლებელი იქნება იმ ბავშვების რეგისტრაცია, ვინც სკოლაში შესვლის ასაკს აკმაყოფილებს, თუმცა პირველ ეტაპზე რეგისტრაცია ვერ გაიარა. ელექტრონული რეგისტრაციის გავლა მათ ვებგვერდზე www.emis.ge შეუძლიათ.

[მარიამ ბარძიმაძე, ახალციხე]