იმერთუბნელები სამხარეო სამმართველოსთან მდუმარე აქციას მართავენ

სამხარეო სამმართველოსთან შეკრებილი იმერთუბნელები ამბობენ, რომ სამი ახალგაზრდის მკვლელობაში ბრალდებული ლინჩის წესით უნდა გასამართლდეს. ასევე უნდა დაისაჯოს მისი შვილი, რომელიც მათი ინფორმაციით დაკავებული არ არის. ადგილობრივების თქმით, თუ მათ პროტესტს შედეგი არ მოჰყვება და დამნაშავეები არ დაისჯებიან, აქციებს გააგრძელებენ.

აქციის ერთ–ერთი მონაწილის თქმით, მანამდე კი, ვიდრე სოფელში სამი მიცვალებულია, თანასოფლელები მდუმარე აქციებს გამართავენ.

სამცხე–ჯავახეთის სამხარეო მთავარ სამმართველოსთან იმყოფება "სამხრეთის კარიბჭეს" ჟურნალისტიც, დეტალებს მოგვიანებით მოგაწვდით.

შეგახსენებთ, რომ 28 აგვისტოს, მარიამობის დღესასწაულზე სოფელ იმერთუბანში (ყარათუბანში) მცხოვრები სამი ახალგაზრდა მამაკაცი მოკლეს, ერთ-ერთი გარდაცვლილის ძმა კი დაჭრეს. მკვლელობაში ბრალდებული ადიგენში საჯარო რეესტრის ეროვნული სააგენტოს უფროსი დავით კუბლაშვილია, რომელიც შსს–მ ცხელ კვალზე დააკავა.

[sknews.ge]