დაპირისპირება სოფელ ყარათუბანში

მკვლელობის შემდეგ ბრალდებულის ოჯახი სოფლიდან გადასახლდა, თუმცა, გუშინ, ღამით, ბრალდებულის მამა სოფელში დაბრუნდა, რასაც გარდაცვლილების ოჯახების წევრების პროტესტი მოჰყვა.

გარდაცვლილების ახლობლები ბრალდებულის მამის სოფლიდან გასახლებას ითხოვენ. ამ წუთებში სოფელში 40–მდე პოლიციელია მობილიზებული. ადგილობრივები ბრალდებულის სახლში შეჭრას ცდილობენ, პოლიცია კი შეტაკების თავიდან აცილებას ცდილობს.

ადგილობრივებსა და პოლიციას შორის დაპირისპირებაც მოხდა, რის გამოც, ერთ–ერთი გარდაცვილილის მამა ცუდად გახდა. ამ წუთებში სოფელში სასწრაფო დახმარების სამსახურს ელოდებიან.

შეგახსენებთ, მიმდინარე წელს, 28 აგვისტოს, მარიამობის დღესასწაულზე, სოფელ ყარათუბანში მცხოვრები სამი ახალგაზრდა მამაკაცი მოკლეს, ერთ-ერთი გარდაცვლილის ძმა კი დაჭრეს. მკვლელობაში ბრალდებული ადიგენში საჯარო რეესტრის ეროვნული სააგენტოს უფროსი დავით კუბლაშვილია, რომელიც შსს–მ ცხელ კვალზე დააკავა. 31 აგვისტოს კუბლაშვილს აღკვეთის ღონისძიებად პატიმრობა შეეფარდა.

[Sknews.ge]