ახალციხის სოფლების ბაღებს ლელა ოქრომელიძე უხელმძღვანელებს

ოქრომელიძე ამ პოსტზე 22 აგვისტოს დაინიშნა. ახლადშექმნილი ააიპ ახალციხის თემის სკოლამდელი აღზრდის დაწესებულებათა გაერთიანება 5–კაციანი გუნდით დაკომპლექტდა. ამ დროისათვის დანიშნულია ოთხი თანამშრომელი, მთავარი ბუღალტერის პოსტი ჯერ ვაკანტურია.

მეთოდისტად მაკა კაპანაძე დაინიშნა, კადრების სპეციალისტად ეკა მამუკაშვილი, უფროსი ბუღალტერის პოსტზე კი გულიკო მაღრაძე.

თანამშრომლები გასაუბრების შედეგად შეარჩიეს.

„ყველა პროფესიული ნიშნით და გამოცდილების მიხედვით შეირჩა“, – განმარტავს ლელა ოქრომელიძე.

ახალციხის თემის სკოლამდელი აღზრდის დაწესებულებათა გაერთიანებაში 8 ბაღი შედის, აქედან სამი ალტერნატიულია (აღსაზრდელების მხოლოდ სასკოლოდ მომზადებას გულისხმობს). 8 ბაღში 400–ზე მეტი ბავშვი სწავლობს.

ახალი ხელმძღვანელი გაერთიანებაში საკადრო ცვლილებებს არ გეგმავს და ამბობს, რომ ყველა თანამშრომელი განაგრძობს მუშაობას. სკოლამდელი აღზრდის დაწესებულებებში სწავლა 1–ელ სექტემბერს განახლდება.

ლელა ოქრომელიძე დაბა ასპინძაში, 1980 წლის 30 მაისს დაიბადა. 1997 წელს დაამთავრა ასპინძის საშუალო სკოლა. 2001 წელს დაამთავრა თბილისის ივ.ჯავახიშვილის სახელობის სახელმწიფო უნივერსიტეტის ახალციხის ფილიალი, უცხო ენების ფაკულტეტი. ამავე წელს, ახალციხის N6 საჯარო სკოლაში, გერმანული ენის მასწავლებლად დაიწყო მუშაობა, აქ 2008 წლამდე მუშაობდა. პარალელურად, მუშაობდა ახალციხის მუნიციპალიტეტის სკოლამდელი აღზრდის დაწესებულებათა გაერთიანებაში, მეთოდისტად, შემდგ კი კადრების სპეციალისტად. მიმდიმარე წლის 27 ივნისს, მას შემდეგ, რაც ქალაქი და თემი ორად გაიყო, თემში სკოლამდელი აღზრდის დაწესებულებათა გაერთიანების ხელმძღვანელის მოვალეობის შემსრულებლად დაინიშნა.

[თინათინ ზაზაძე, ახალციხე]