ასპინძის მუნიციპალიტეტის საკრებულოში 5 კომისია და ერთი ფრაქცია შეიქმნა

ასპინძის მუნიციპალიტეტის საკრებულოში ახალი მოწვევის საკრებულოს მეორე სხდომა 22 ივლისს გაიმართა. სხდომაზე ორი მუდმივმოქმედი კომისია და ერთი ფრაქცია ჩამოყალიბდა.

იურიდიულ საკითხთა კომისიის თავმჯდომარედ გიორგი ჯვარიძე საკრებულოს სხდომაზე ერთხმად აირჩიეს; კულტურის, განათლების, სპორტის და ახალგაზრდულ საქმეთა კომისიის თავმჯდომარედ კი ტიტიკო მაღრაძე. 27 დეპუტატიდან მაღრაძის წინააღმდეგი 9 დეპუტატი იყო.

ამავე სხდომაზე შეიქმნა ფრაქცია „ქართული ოცნება დემოკრატიული საქართველო“. ფრაქციის ხელმძღვანელად ბესიკ ბერიძე დასახელდა.
ოთხი ფრაქციის შექმნა მომდევნო საკრებულოს სხდომაზე იგეგმება. ფრაქციას შექმნის კოალიცია „ქართული ოცნება“, „ნინო ბურჯანაძე– ერთიანი ოპოზიცია“, „კონსერვატორები“ და „ერთიანი ნაციონალური მოძრაობა“.

შეგახსენებთ, რომ სამი მუდმივმოქმედი კომისია ახალი მოწვევის საკრებულოს სხდომაზე 14 ივლისს შეიქმნა.

[თინათინ ზაზაძე, ასპინძა]