ვინ უხელძღვანელებს ფრაქციებს და კომისიებს ახალციხის საკრებულოში

ქალაქ ახალციხეში ხუთი მუდმივმოქმედი კომისიის თავმჯდომარეობის კანდიდატებად საკრებულოს სხდომაზე მხოლოდ „ქართული ოცნების“ წარმომადგენლები დაასახელეს. შესაბამისად, ხუთივე მათგანი ხმათა უმრავლესობით აირჩიეს.

ახალციხის საკრებულოს იურიდიულ საკითხთა კომისიას შალვა გოგოლაძე უხელმძღვანელებს; კულტურის, განათლების, სპორტის და ახალგაზრდულ საქმეთა კომისიის თავმჯდომარედ გელა პეტაშვილი აირჩიეს; საფინანსო–საბიუჯეტო, ეკონომიკისა და ქონების მართვის საკთხთა კომისიის თავმჯდომარე შოთა ნასყიდაშვილი იქნება; ურბანული დაგეგმარებისა და საქალაქო მეურნეობის საკითხთა კომისიის თავმჯდომარეობა კი სამველ ოვეიანიმა ჩაიბარა.

ქალაქის საკრებულოში სამი ფრაქცია შეიქმნა: „ნაციონალური მორაობა“, „ქართული ოცნება“ და „რესპუბლიკელები“.

ფრაქცია „ნაციონალური მოძრაობის“ ხელმძღვანელი მალხაზ გიქოშვილი იქნება, „ქართულ ოცნებას“ მამუკა მელიქიძე უხელმძღვანელებს, „რესპუბლიკელების“ ხელმძღვანელად კი ნინო ანანიაშვილი დაასახელეს.

[თამუნა უჩიძე, ახალციხე]