გურამ მელიქიძე და რამინი მარტინენკო – ახალციხის მუნიციპალიტეტის გამგებელი მოადგილეებს არჩევს

ახალციხის მუნიციპალიტეტის გამგებლის ზაზა მელიქიძის თქმით, ამ ეტაპზე გამგებლის მოადგილეებად რამდენიმე კანდიდატურა განიხილება. არ არის გამორიცხული, ეს პოსტი გურამ მელიქიძემ და რამინი მარტინენკომ დაიკავონ.

„გურამ მელიქიძე არის კარგი ეკონომისტი და თუ დაგვთანხმდა ამ კუთხით გაუძღვება სამუშაოს. რამინი მარტინენკო არის სოფლის მეურნეობის დარგში სპეციალისტი, ის წლების განმავლობაში მუშაობდა ამ მიმართულებით. ამ ეტაპზე ამ ადამიანებთან მიმდინარეობს მოლაპარაკება. თუმცა არის რამდენიმე კანდიდატურა რომელსაც განვიხილავთ“, – ამბობს მელიქიძე.

მისივე თქმით, ვინ დაიკავებს ახალციხის მუნიციპალიტეტის გამგებლის მოადგილეების პოსტს, მომავალ კვირას გახდება ცნობილი.

[მანანა სარაშვილი, ახალციხე]