ახალციხის მუნიციპალიტეტის გამგებელმა მოადგილე დანიშნა

გამგებლის მოადგილედ ეკონომისტი გურამ მელიქიძე დაინიშნა.

„პირველ რიგში უნდა ვიმუშაოთ კარგად, წარმატებულად, რომ მოსახლეობას გავუმართლოთ იმედები. ჩვენ უნდა შევძლოთ მათი დახმარება“, – ასეთია გამგებლის ახალდანიშნული მოადგილის პირველი კომენტარი მედიასთან.

გურამ მელიქიძე 1966 წლის 6 თებერვალს დაიბადა. დაამთავრა ივანე ჯავახიშვილის სახელობის თბილისის სახელმწიფო უნივერსიტეტი, ეკონომიკის ფაკულტეტი. 1990 წლიდან 2005 წლამდე მუშაობდა სამცხე – ჯავახეთის სახელმწიფო უნივერსიტეტში სხვადასხვა თანამდებობებზე, ბოლოს იყო ეკონომიკურ – ადმინისტრაციულ დარგში რექტორის მოადგილე.

2005 წლიდან, სამი წლის განმავლობაში, არასამთავრობო სექტორში მუშაობდა, ბოლოს, რამდენიმე წელი კი ერთ – ერთ უცხოურ კომპანიაში.

[მანანა სარაშვილი, ახალციხე]